पाँचथर । पाँचथरको फिदिममा जारि ५ औँ संस्करणको पाँचथर गोल्डकप फूटबल प्रतियोगिताको पहिलो सेमिफाइनलमा पथरी ११ फुटबल क्लब र मछिन्द्र फुटबल क्लब भिड्दै छ।
पथरी ११ ले आयोजक पाँचथर क्लब पाँचथर र मछिन्द्रले हिमालय शेर्पालार्य पराजित गर्दै सेमिफाइनलमा पुगेको हो। फिदिमस्थित फिदिम मा.विको खेलमैदानमा सञ्चालन भइरहेको खेल दिनको २ः३० बजेदेखी शुरु हुने आयोजक पाँचथर क्लब पाँचथरका अध्यक्ष कमल तुम्रोकले बताए।
फागनु २४ गतेदेखी शुरु भएको गोल्डकपको फाइनल चैत्र २ गते हुनेछ। गोल्डकपको विजेताले उपाधिसहित नगद ११ लाख १ हजार १ सय ११ पाउने छ। उपविजेताले ५ लाख ५५ हजार ५ सय ५५रुपैँया पाउने छ। प्रतियोगितामा नेपालका चार ए डिभिजन क्लबहरुसहित ८ टिमको सहभागिता रहेको छ।