तरुण गोल्डकप- उपाधिका लागि आज कुम्मायक र हिलिहाङ भिड्दै

पाँचथर । पाँचथरको फिदिममा जारि ८ औँ संस्करणको तरुण गोल्डकप फूटबल प्रतियोगिताको फाइनलमा उपाधिका लागि आज कुम्मायक गाउँपालिका र हिलिहाङ गाउँपालिका भिड्दै छन्।
बुधबार भएको पहिलो सेमिफाइनलमा फाल्गुनन्द गाउँपालिकालाई २–० ले पराजित गर्दै कुम्मायक फाइनलमा पुगेको हो । त्यस्तै बुधबार नै भएको दोस्रो सेमिफाइलनमा फिदिम नगरपालिकालाई ३–१ ले पराजित गर्दै हिलिहाङ पनि फाइनलमा प्रवेस गरेको हो । आज फिदिमस्थित फिदिम मा.विको खेलमैदानमा फाइनल खेल दिनको १ बजेदेखी शुरु हुने आयोजक तरुणदल पाँचथरका अध्यक्ष सुमन लामाले जानकारी दिनुभयो।
गोल्डकपको विजेताले उपाधिसहित नगद १ लाख १ सय ७३ रुपैया पाउने छ। उपविजेताले ५१ हजार १ सय ७३ रुपैँया पाउने  अध्यक्ष लामाले जानकारी दिनुभयो ।
कात्तिक १० गतेदेखी सुरु भएको गोल्डकपमा पाँचथरका आठ स्थानीय तहको सहभागिता रहेको थियो ।