राष्ट्रिय प्रथम चासोक रेटिङ बुद्धिचाल प्रगियोगिता सम्पन्न

इवारा जवेगु लिम्बु
पाँचथर। जिल्लाको सदरमुकाम फिदिममा आयोजित राष्ट्रिय प्रथम चासोक रेटिङ बुद्धिचाल प्रगियोगिता आइतबार सम्मन्न भएको छ।
पाँचथर बुद्धिचाल संघद्धारा आयोजना भएको प्रतियोगिता पुस ५ गतेदेखी सुरु भई ७ गते आइतबार सम्पन्न भएको हो।
वाणिज्य संघको हलमा सम्पन्न उक्त प्रतियोगितामा ललितपुरका रुपेश जैशवाल प्रथम भएका छन्। उनले नौ राउण्डको खेलमा ८ अंक सहित प्रथम स्थान हासिल गर्दा नगद ३० हजार,ट्रफि, मेडल र प्रमाणपत्र प्राप्त गरे। त्यस्तै झापाकी सुश्री दाहालले ७.५ अंक ल्याएर दोस्रो स्थान हासिल गरेकी छन् । उनले नगद २० हजार सहित ट्रफि, मेडल र प्रमाणपत्र प्राप्त गरेकी छन्। खोटाङका धिरेन राईले ७ अंक सहित तेस्रो स्थान ओगट्न सफल भएका छन् भने उनले नगद १८ हजार सहित ट्रफि, मेडल र प्रमाणपत्र प्राप्त गरेका छन्।
चौथो स्थान हासिल गर्दै दमकका राजन सुवेदीले नगद १४ हजार ट्रफि, मेडल र प्रमाणपत्र प्राप्त गर्दा ,पाचौँ स्थानमा काठमाडौँका नविन तन्दुकारले नगद १२ हजार, ट्रफि, मेडल र प्रमाणपत्र प्राप्त गरेका छन्।
धरानका चुडामढी राई छैटौँ, दमकका प्रकाश चन्द नेपाल सातौँ, दमककै कृश अधिकारी आठौँ, विराटनगरका उमेश राई नवौँ र दमककै शुमन श्रेष्ठ दशौँ भएका छन्। उनीहरुले क्रमशः नगद रु १० हजार, आठ हजार, सात हजार सहित ट्रफि, मेडल र प्रमाणपत्र प्राप्त गरेका छन्।
समापन कार्यक्रमको प्रमुख अथित्यता फिदिम नगरपालिकाका मेयर मित्रप्रसाद काफ्लेले गर्नुभएको थियो। कार्यक्रमलाई सम्बोधन गर्नुहुदै मेयर काफ्लेले बुद्धिचाल प्रतियोगितालाई सहयोग गर्ने र आगामी दिनमा अझ व्यवस्थित गर्दै लैजाने बताउनुभयो ।
कार्यक्रममा विषेश अथितिको रुपमा पूर्वमन्त्रि बलवहादुर साम्सोहाङ र फिदिम नगरपालिका उपमेयर राधाकृष्ण न्यौपाने उपस्थित रहनु भएको आयोजक संघका सचिव नन्द कुरुङबाङले जानकारी दिनुभयो।
प्रतियोगितामा देशभर बाट ८२ जना खेलाडीहरु सहभागी थिए। विजेता खेलाडीहरुलाई प्रमुख अथिति र विषेश अथितिहरुले पुरस्कार वितरण गनुभएको थियो ।
बुद्धिचाल संघ पाँचथरको आयोजना भएको खेल सौहार्दपूण सम्मन्न भएको अध्यक्ष विजयवोध लावतीले बताउनुभयो।