मध्य अफ्रिकामा रूसमा बिद्रोह गर्ने बाग्नर समुहका संस्थापकको मुर्ति अनावरण

अफ्रिका, २० मंसीर । मध्य अफ्रिकामा रुसका वाग्नरका संस्थापक प्रिगोजिनको प्रतिमा अनावरण गरिएको छ।

मध्य अफ्रिकी गणतन्त्रमा रुसको भाडाका सिपाही वाग्नर समूहका दिवंगत नेता येभगेनी प्रिगोजिनको सम्मानमा एउटा स्मारक अनावरण गरिएको हाे।

गत वर्ष विमान दुर्घटनामा ज्यान गुमाएका प्रिगोजिन र उनका दाहिने हात मानिने दिमित्रु उत्किनको शालिक राजधानी बान्गुईमा स्थापना गरिएको छ ।

साे मूर्तिमा बुलेट प्रुफ कपडामा प्रिगोजिनलाई एके–४७ राइफल बोकेका आफ्ना सहकर्मीको छेउमा वाकीटकी लिएकाे देखाइएको छ।

वाग्नर समूहका लडाकुहरू २०१८ देखि कारमा कार्यरत छन्, जब उनीहरूलाई राष्ट्रपति फाउस्टिन आर्चेन्जले विद्रोही समूहहरूसँग लड्न मद्दत गर्न आमन्त्रित गरेका थिए। बदलामा, साे समूहका सहायक कम्पनीहरूले सुन र हीरा खानी सञ्चालनका लागि सम्झौताहरू लिएका थिए ।

बाग्नर समुहका सिपाहीहरू अन्य धेरै अफ्रिकी देशहरूमा पनि सञ्चालित छन् तर तिनीहरूको सबैभन्दा महत्त्वपूर्ण उपस्थिति कारमा रहेकाे छ। साे मूर्ति अनावरण समारोहमा रक्षामन्त्री रामाउ क्लाउड बिरो र उच्च सैन्य अधिकारीहरू उपस्थित थिए।