एमाले महाधिवेशन: अइन्द्र सुन्दर नेम्वाङ केपी ओली समूहको सूचीमा, प्रारम्भिक त्रुटि सच्याइयो

काठमाडौं- एमाले महाधिवेशनका लागि केपी शर्मा ओली समूहले तयार पारेको सूचीमा कोशी प्रदेशबाट अइन्द्र सुन्दर नेम्वाङ आदिवासी–जनजाति खूल्ला समूहबाट केन्द्रीय सदस्य पदमा समावेश हुनुभएको छ।

सुरुमा बाहिर आएको सूचीमा अइन्द्र सुन्दर नेम्वाङको स्थानमा श्रीप्रसाद जवेगुको नाम उल्लेख थियो, तर पछि यो टाइपिङ त्रुटि भएको पुष्टि भएको छ।

अइन्द्र सुन्दर नेम्वाङका अनुसार, श्रीप्रसाद जवेगुले कुनै पदमा उम्मेदवारी दिनुभएको छैन्, बरु उहाँ अइन्द्र सुन्दर नेम्वाङका प्रस्तावक हुनुहुन्थ्यो। श्रीप्रसाद जवेगुले पनि आफूले केन्द्रीय सदस्य पदमा उम्मेदवारी नदिएको र सूचीमा आफ्नो नाम देख्दा आश्चर्यचकित भएको प्रतिक्रिया दिनुभएको छ।

अइन्द्र सुन्दर नेम्वाङका प्रस्तावक श्रीप्रसाद जवेगु र समर्थक बलबहादुर नेपाली हुनुहुन्छ।