पाँचथर । पाँचथरको फिदिममा जारि दोस्रो संस्करणको फिदिम भेट्रान्स गोल्डकप फूटबल प्रतियोगिताको उपाधिका लागि आज आयोजक फिदिम भेट्रान्स क्लब र रेडस्टार भेट्रान्स विर्तामोड क्लब भिड्दै छ।
आयोजक फिदिम भेट्रान्सले दुधे भेट्रान्स झापालाई पराजित गर्दै फाइनलमा पुगेको हो । त्यस्तै रेडस्टार भेट्रान्स विर्तामोडले बौद्ध भेट्रान्स रानिटारलाई हराउदै फाइनलको यात्रा बनाएको हो । फिदिमस्थित फिदिम मा.विको खेलमैदानमा सञ्चालन भइरहेको खेल दिनको २ बजेदेखी शुरु हुने आयोजक फिदिम स्पोर्टिङ भेट्रान्स क्लबका अध्यक्ष रोशन श्रेष्ठले बताए ।
गोल्डकप प्रतियोगिता माघ ९ गतेदेखी शुरु भएको हो । प्रतियोगिताको विजेताले नगद १ लाख ५ सय ५५ रुपैया पाउने छ । उपविजेताले ५५ हजार ५ सय ५५ रुपैँया पाउने छ।