इवारा जवेगु लिम्बु,
पाँचथर। पाँचथरमा ८ हजार ९ सय ५२ जना किशोरीहरुलाइ पाठेघरको मुखको क्यान्सर विरुद्धको एच.पि.भी खोप लगाइएको छ।
एच.पि.भी खोप अभियान २०८१ अन्तर्गत माघ २२ गतेदेखी फागुन ६ गतेसम्म सञ्चालन गरेर उक्त संख्यामा खोप लगाइएको स्वास्थ्य कार्यालय पाँचथरका सूचना अधिकारी लवरेन्स शाहले बताउनुभयो।
यो खोप जिल्ला भित्रका कक्षा ६ देखी १० सम्म अध्ययनरत १० देखी १४ वर्ष उमेर समुहका किशोरीहरुलाई निशुल्क लगाइएको हो।
जसमा विद्यालय १९२, स्वास्थ्य संस्था ६२, समुदायमा थप खोप केन्द्र १ गरि जम्मा २ सय ५५ खोप केन्द्र तोकीएको थियो। यस अभियानको लागि दुई सय ५५ जना स्वास्थ्यकर्मी र स्वयसेवकहरु खटाइएको शाहले बताउनुभयो। उहाँले नेपालमा महिलाहरुमा हुने क्यान्सरहरुमध्ये पाठेघरको मुखको क्यान्सर दोस्रो मुख्य कारण रहेको र क्यान्सरबाट महिलाको मृत्यु हुनेमा यो पहिलो मुख्य कारण तथ्यांकले देखिएले यो खोप लगाउनुपर्ने बताउनुभयो।