एआई प्रविधिबाट २४६ जनाको क्षयरोग परीक्षण, एकजनामा संक्रमण पुष्टि

पाँचथर । एआई डिजिटल एक्सरे प्रविधिबाट २ सय ४६ जनाको क्षयरोग परिक्षण गर्दा एक जनामा क्षयरोग पुष्टि भएको छ ।
फिदिम नगरपालिकालद्धारा सञ्चालित एक दिने क्षयरोग खोजपड्ताल सम्बन्धि निःशुल्क सिविरमा २ सय ४६ जना नागरिकहरुको केचजाच गरिएको थियो । जसमध्ये एक जनामा क्षयरोग पुष्टि भएको आयोजक फिदिम नगरपालिका स्वास्थ्य शाखाले जनाएको छ।
६ जना विरामी भने संकास्पद भेटिएका थिए । संकास्पद विरामीको खकारबाट पुनः परिक्षणको लागि पठाइएको र पोजेटिज भेटिए तुरुन्त औषधी उपचार गर्ने पनि शाखाले जनाएको छ।
जिल्लामै पहिलो पटक एआई डिजिटल एक्सरे प्रविधिबाट क्षयरोग परिक्षण भएको हो । यो प्रविधिबाट लक्षण नभएका विरामीहरुलाई पनि क्षयरोग पत्ता लगाउन सकिने र छिटो छरितो स्याम्पल परिक्षण गर्न सकिने चिकित्सकहरुको भनाई छ।