पाँचथरमा इन्सेकको अर्धवार्षिक समीक्षा सम्पन्न, १८ घटना अभिलेख

इवारा जवेगु लिम्बू
पाँचथर । अनौपचारिक क्षेत्र सेवा केन्द्र (इन्सेक) पाँचथरको आयोजनामा नेपाल मानव अधिकार वर्ष पुस्तक २०२६ को प्रकाशन पूर्व अर्धवार्षिक समीक्षा कार्यक्रम २०८२ असार १३ गते शुक्रबार सम्पन्न भएको छ।
इन्सेकले प्रकाशन गर्दै आएको नेपाल मानव अधिकार वर्ष पुस्तक २०२६ का लागि जिल्लामा सन् २०२५ को जनवरीदेखि १ देखी जुन १० सम्म अभिलेखीकरण गरिएका घटनामाथि सरोकारवालाबिच समीक्षा कार्यक्रम ०८२ असार १३ गते सम्पन्न गरिएको हो।
समीक्षा कार्यक्रममा इन्सेक प्रतिनिधिले जिल्लामा ०८२ पुस १७ गतेदेखि असारको पहिलो सातासम्म १८ ओटा मानव अधिकार उल्लङ्घन र ज्यादतीका घटना अभिलेखीकरण गरिएको बताउनु भयो ।
जिल्लामा इन्सेकले अभिलेखकरण गरेको तथ्याङ्क अनुसार दुई जना हत्याको, बलत्कार घटनाको ५, हत्या प्रयासको ३, अभद्र व्यर्वहारको ५, यौन दुव्यवहारको २ र साइवर क्राइमको एक घटना गरेर जम्मा १८ ओटा घटना सार्वजनिक गरिएको छ । १८ ओटा घटनामा चार जना वालिका पीडित भएका घटना अभिलेख भएका छन् ।
कार्यक्रमका प्रमुख अतिथि जिल्ला समन्वय समिति पाँचथरका प्रमुख रामराज आङदेम्बे रहनुभएको थियो । उहाँले समीक्षा कार्यक्रममा बोल्नुहुदै मानव अधिकार उल्लङ्घनका घटनाहरु न्यूनीकरण गर्नका लागी प्रहरी प्रशासन, मानव अधिकारकर्मी, जनप्रतिनिधि, पत्रकार सबै जना लागी पर्नुपर्ने बताउनुभयो। त्यस्तै छलफलमा उठेका स्वास्थ्यप्रतिको विषयमा गम्भीर हुदै जिल्ला अस्पतालमा आगामी आ.व भित्र सघन उपचार कक्ष (icu) सञ्चालन गर्ने सोच रहेको बताउनुभयो । जसले गर्दा जिल्लाबाट धेरै बिरामीले सुविधाजनक उपचार प्राप्त गर्ने उहाँको भनाई छ।
कार्यक्रममा नेपाल पत्रकार महासंघ पाँचथरका पूर्व अध्यक्ष लक्ष्मी गौतम, सशस्त्र प्रहरी नायव उपरिक्षक कुमार बराल, जिल्ला प्रहरी कार्यालय पाँचथरका वरिष्ठ प्रहरी नायव निरीक्षक मनोज कुमार यादव, हुकुडेक नेपाल पाँचथरका सचिव राजेन्द्र काफ्ले, किरात याक्थुङ् चुम्लुङ जिल्ला शाखा पान्थरका अध्यक्ष सुरेन शिशिर केरुङ लगायत विभिन्न मिडियामा आवद्ध पत्रकारहरुको सहभागिता रहेको थियो।