यासोक बजारका सिसी क्यामेरा ४ महिनादेखि बन्द, निगरानी प्रणाली ठप्प

रमेश थापा
पाँचथर-पाँचथरको कुम्मायक गाउँपालिका केन्द्र यासोक बजारमा जडान गरिएको सिसी क्यामेरा चार महिनादेखि बन्द भएको छ। यासोक बजारको बिभिन्न स्थानमा जडान गरिएको क्यामेरा र क्यामेरा को डिस्प्ले बिग्रिएपछि चार महिनादेखि बन्द भएको हो। यासोक बजारको शान्ति सुरक्षा कायम गर्न गाउँपालिकाको ८ लाख ७९ हजार ८४२ रुपैयाँमा लजिक इन्फोसिस प्रा.लि काठमाडौंले ११ वटा क्यामेरा यासोक बजारमा जडान गरेको थियो।
पहिलो पटक २०८१ असार ११ मा सबै क्यामेरा विद्युतको भोल्टेजको कारण बिग्रिएको थियो। दोस्रो पटक २०८२ बैशाखमा बिग्रिएपछि गाउँपालिकामा जानकारी गराएको प्रहरीले जनाएको छ। जडान गरिएको सिसी क्यामेरा पटक–पटक बिग्रिदै आएको इलाका प्रहरी कार्यालय यासोकले जनाएको छ। जडान गरिएका मध्ये कति वटा क्यामेरा बिग्रिएका छन। त्यसलाई हेर्न प्रयोग गर्ने डिस्प्ले पनि लामो समयदेखि बिग्रिएकाले  समस्या भएको कार्यालयका प्रहरी प्रमुख मदन कुमार मैनालीले बताए। यता गाउँपालिका भने बिग्रिएका क्यामेरा र डिस्प्ले मर्मत सम्हार गर्न चालु आर्थिक वर्षमा बजेटको बिनियोजन गरेको जनाएको छ।
लसम्म कुनै चासो दिएको छैन ।