बैवाहिक बलत्कार गरेको आरोपमा पति पक्राउ

पाँचथर । २३ वर्षीया पत्नीलाई बलत्कार गरेको आरोपमा फिदिम–४ गढीमा डेरा गरी बस्दै आइरहेका २७ वर्षीया पतिलाई प्रहरीले २०८२ साउन २३ गते पक्राउ गरेको छ।
पीडित महिलालाई पतिले पटक पटक मादक पदार्थ सेवन गर्ने, झैझगडा गर्ने, कुटपिट गर्ने र आफ्नो सहमति विना जवरजस्ती करणी समेत गर्ने गरेको भन्दै पीडित पक्षले साउन २३ गते जिल्ला प्रहरी कार्यालयमा उजुरी दिएकी थिईन ।
उजुरी लगत्तै प्रहरीले आरोपित पतिलाई नियन्त्रणमा लिई अनुसन्धान थालिएको जिल्ला प्रहरी कार्यालय पाँचथरका डिएसपी कौशल कुमार वुढाथोकीले जानकारी दिनुभयो ।