फाईल तस्वीर

रमेश थापा
पाँचथरको कुम्मायक गाउँपालिकाको खानेपानी योजनामा समस्या देखिएको छ। गाउँपालिकामा संचालित यासोक सुख्खा क्षेत्र तमोर पम्पिङ खानेपानी आयोजनाको च्यानडाँडा ट्याङ्कीमा पानी चुहिने समस्या देखा परेपछि कुम्मायक–१ र ५ को साविक चार वटा टोलमा खानेपानी अवरुद्ध भएको हो। आयोजनाको ट्याङ्कीको प्लाष्टर फुटेपछि पानी चुहावट भएको थियो। खानेपानीको ट्याङ्कीमा देखिएको समस्या समाधान गर्न ५ दिन लाग्ने भएकाले पाँच दिनसम्म खानेपानी अबरुद्ध हुने समितिका अध्यक्ष मेघराज निरौलाले बताए।
सो ट्याङ्कीबाट कुम्मायक–५ को साविक लोरिपा, निगाले र नर्कटे टोल त्यस्तै कुम्मायक–१ को भदौरेमा खानेपानी बितरण हुदै आएको थियो। खानेपानीको ट्याङ्की मर्मत सम्हार भइरहेकाले चाडै खानेपानी वितरण गर्ने समितिले जनाएको छ।