संचारकर्मी सम्बाहाम्फेद्धारा जन्मोत्सवमा फलफूल वितरण

इवारा जवेगु लिम्बु
पाँचथर। इगल एफ.एममा कार्यरत पाँचथरका संचारकर्मी मौसम सम्बाहाम्फेले आफ्नो २६ औँ जन्मोत्सवमा फलफूल वितरण गर्नुभएको छ।
सम्बाहाम्फेले जन्मदिनको अवसरमा श्री सिद्ध पोखरी सेवा सदन पाँचथरद्धारा संचालित ज्येष्ठ नागरिक आश्रम डुम्ब्रिबोटेमा रहनुभएका जेष्ठ नागरिकहरुसंग खुसी साट्दै उहाँहरुलाई फलफूल वितरण गर्नुभएको हो।
ज्येष्ठ नागरिक आश्रममा हाल १५ जना जेष्ठ नागरिकहरु रहदै आउनुभएको छ। आफ्नो सानैदेखीको इच्छा रहेकाले फागुन १० गते जन्मदिनको अवसर पारेर उहाँहरुसंग भेट्ने मौका जुरेको सम्बाहाम्फेले बताउनुभयो। उहाँहरुलाई दोसल्लाले सम्मान गर्दै आर्सिवाद ग्रहण गर्नूभएको थियो।