पाँचथर गोल्डकप आजदेखी : आयोजक पाँचथर क्लबले पथरी ११ फुटबल क्लबको सामना गर्ने

पाँचथर । पाँचथरको सदरमुकाम फिदिममा ५ औँ पाँचथर गोल्डकप आजदेखी सुरु हुदै छ।
प्रतियोगिताको पहिलो दिन अर्थात उद्घाटन खेलमा आयोजक पाँचथर क्लबले पथरी ११ फुटबल क्लब मोरङको सामना गर्नेछ ।
फिदिम मा.वि. को खेल मैदानमा हुने प्रतियोगिताको औपचारीक कार्यक्रम आज ११ बजेदेखी हुने आयोजक पाँचथर क्लबका पाँचथरका अध्यक्ष कमल तुम्रोकले बताए।
औपचारिक कार्यक्रमको उद्घाटन फिदिम नगरपालिकाका मेयर मित्र प्रसाद काफ्लेले गर्नुहुने तुम्रोक बताए। कार्यक्रममा विद्यार्थीहरुको मार्चपास सहित विभिन्न सांस्कृतिक झाक्रि प्रदर्शन हुने छ।
आज देखी हुने प्रतियोगिता चैत्र २ गते फाइनल हुनेछ । प्रतियोगिताको विजेताले उपाधि सहित ११ लाख १ हजार १ सय ११ रुपैया र उपविजेताले ५ लाख ५५ हजार ५ सय ५५ प्राप्त गर्नेछ ।