थर्पु क्याम्पस स्ववियु निर्वाचनमा अनेरास्ववियुको प्यानल विजयी

पाँचथर-पाँचथरको याङ्वरक गाउँपालिकाको केन्द्रमा रहेको थर्पु क्याम्पसमा सम्पन्न स्वतन्त्र विद्यार्थी युनियन (स्ववियु) निर्वाचनमा अनेरास्ववियु प्यानल विजयी भएको छ। स्ववियु सभापतिमा अनेरास्ववियुका सुरेश माझि निर्वाचित भए। उनले ३२ मत प्राप्त गर्दा उनका प्रतिस्पर्धी नेपाल विद्यार्थी संघ (नेविसंघ) का नविन दाहालले १५ मत पाए। सचिव पदमा इछिङ्सा काम्बाङ ३१ मतसहित विजयी भइन् भने उनका प्रतिस्पर्धी मेलिना सेवाले १६ मत प्राप्त गरे।

कोषाध्यक्षमा नुमा मावो ३१ मतसहित निर्वाचित भइन् भने उनका प्रतिस्पर्धी आयुष मिश्रले १६ मत पाए। सदस्य पदमा तुलसा दाहाल ३२, जिना भारती ३१ र निशा काम्बाङ २९ मतसहित विजयी भए। क्याम्पसमा कुल ५८ विद्यार्थी रहेकामा ४७ जनाले मतदान गरेका थिए, जसअनुसार मतदान प्रतिशत ८१% रह्यो।

स्ववियु निर्वाचनमा अनेरास्ववियुको प्रबल उपस्थितिसँगै थर्पु क्याम्पसमा संगठनको प्रभाव बलियो देखिएको छ। निर्वाचनको नतिजाले विद्यार्थी राजनीतिमा अनेरास्ववियुको नेतृत्व सशक्त बन्दै गएको संकेत गरेको छ।