सुख्खाक्षेत्रमा विपत न्युनीकरण सम्बन्धि जनचेतना

रमेश थापा
पाँचथर-पाँचथरको कुम्मायक गाउँपालिका केन्द्र यासोकमा नेपाली सेनाले विपत प्रतिकार्य सम्बन्धि जनचेतना मुलक कार्यक्रम सम्पन्न गरेको छ। रणशेर गण फिदिमका सेनानी राजिव कार्कीको नेतृत्वको सेनाको टोलीले विपत व्यवस्थापनमा प्रयोग गर्ने औजार र उपकरणहरुको विषयमा जानकारी गराएको थियो। चैत्र र बैशाख जस्तो सुख्खा समयमा हुने आगलागीबाट बच्न आगो निभाउँने औजार र सिलिण्डर ग्यासबाट हुन सक्ने जोखिम र बच्ने उपायहरुको विषयमा नागरिकलाई जानकारी दिएको सेनानी राजिव कार्कीले जानकारी दिए।
सेनाले आगलागी न्युनीकरण सम्बन्धि पुर्व तयारी अभ्यास, विपतको समयमा प्रयोग गर्ने सामाग्रीको प्रयोग र घाइतेलाई गर्ने प्राथमिक उपचारको विषयमा जनचेतामुलक अभ्यास प्रर्दशन गरेको थियो। सेनाले विपतको समयमा प्रयोग गर्ने डेढ दर्जन बढी औजार र उपकरणको प्रयोगको विषयमा सहभागीहरुलाई जानकारी गराएको थियो।
सो जनचेतामुलक कार्यक्रममा गाउँपालिका उपाध्यक्ष महेन्द्र बहादुर खड्का प्रमुख प्रशासकीय अधिकृत जयनारायण खनाल, उद्योग बाणिज्यसंघ अध्यक्ष गोपाल पोख्रेल लगायत कर्मचारी, पेशाकर्मी, स्थानीय, उद्योगी र व्यवसायीहरुको सहभागीता रहेको थियो।