चासोक तङनामको अवसरमा खुल्ला फुटसल प्रतियोगिता सञ्चालन हुदै

पाँचथर- चासोक तङनामको अवसरमा पाँचथरको फिदिममा खुला फुटसल प्रतियोगिता सञ्चालन हुने भएको छ।
फिदिम २ मा अवस्थित पान्थर फुटसलको आयोजनामा प्रतियोगिता सञ्चालन हुन लागेको हो। प्रतियोगिता यहि पुष ११ गतेदेखि १५ गतेसम्म सञ्चालन हुनेछ।
प्रतियोगिता अन्तर्गत खुल्ला पुरुष, खुल्ला महिला र ३० वर्ष उमेर माथिका विच फुटसल प्रतिस्पर्धा हुनेछ।
प्रतियोगितामा खुल्ला पुरुषतर्फको विजेताले उपाधिसहित नगद ८० हजार, दोस्रो हुने टिमले नगद ४० हजार साथै ट्रफि र मेडल, खुल्ला महिलातर्फ विजेताले उपाधिसहित नगद १० हजार, दोस्रो हुने टिमले नगद ५ हजार ट्रफि र मेडल प्राप्त गर्नेछ। यस्तै ३० वर्ष उमेर माथिको विजेताले उपाधिसहित नगद २० हजार, दोस्रो हुने टिमले नगद १० हजार, ट्रफि र मेडल पुरस्कार पाउने आयोजक पान्थर फुटसलले जानकारी दिएको छ।
साथै खुल्ला पुरुषतर्फ वेष्ट किपर, सर्वाधिक गोलकर्ता,वेष्ट प्लेयरले ट्रफि र मेडल पाउनेछ भने सेमिफाइनलदेखि म्यान अफ म्याच पुरस्कार पनि प्रदान गरिनेछ।
प्रतियोगितामा सहभागि टिमले पुष १० गतेसम्ममा टिम दर्ता गराइसक्नुपर्ने आयोजकले जनाएको छ।