पाँचथर । आगामी फागुन २१ गते हुने प्रतिनिधिसभा सदस्य निर्वाचनका लागि पाँचथरमा १ लाख ४३ हजार ४ सय ८ मतदाता रहेका छन् । प्रतिनिधि सभाको लागि एक मात्र निर्वाचन क्षेत्र रहेको पाँचथरमा पुरुष मतदाताको संख्या ७६ हजार ७८ र महिला मतदाताको संख्या ६७ हजार ३ सय ३० जना रहेको जिल्ला निर्वाचन कार्यालय पाँचथरका कम्युटर अपरेटर तथा सूचना अधिकारी अशोक घिसिङले जानकारी दिनुभयो ।
एक ओटा नगरपालिका र सात ओटा गाउँपालिका गरि जम्मा आठँ ओटा स्थानिय तह रहेको जिल्लामा उक्त संख्यामा आगामी फागुन २० गतेसम्म १८ वर्ष पुरा भएको मतदाताको संख्या रहेको घिसिङले जानकारी दिनुभयो ।
पाँचथरका आठ ओटा पालिकामध्ये सबैभन्दा धेरै फिदिम नगरपालिमा ३५ हजार ९ सय ९५ जना मतदाता रहेको छन् भने सबैभन्दा कम तुम्बेवा गाउँपालिकामा जम्मा ९ हजार २ सय ४९ जना मात्र मतदाता संख्या रहेका छन् ।
जिल्ला निर्वाचन कार्यालय पाँचथरका अनुसार जिल्लामा साविककै संख्यामा मतदान स्थल १ सय २ ओटा रहेको छ । साविकमा १ सय ७७ मतदान केन्द्र रहेकोमो २ ओटा थप गरिएको जनाइएको छ । फिदिम नगरपालिका वडा नं २ मा रहेको एउटै मतदान केन्द्रलाई छुट्याएर दुई ओटा बनाइएको छ भने फालेलुङ गाउँपालिका वडा नं ५, कालिका मा.वि प्राङबुङमा एउटा थप गरिएको निर्वाचन कार्यालय पाँचथरले जनाएको छ ।
