असोज २३ गते फिदिममा लाइभ कन्सर्ट, गुन्जँदैछन् केहर सिंहका लोकप्रिय गीत

इवारा जवेगु, पाँचथर । “वैगुनी”, “सरर सरर”, “तिमीलाई सम्झेर”, “कता छौ मेरो फूल” जस्ता लोकप्रिय गीतका गायक केहर सिंह लिम्बूको प्रस्तुति असोज २३ गते शुक्रबार पाँचथरको फिदिममा गुन्जने भएको छ।

पछिल्लो समय युवा पुस्तामाझ लोकप्रिय बनेका गायक लिम्बूको ब्याण्ड केहर एन्ड दि लुङा ब्याण्डले फिदिममा लाइभ कन्सर्ट गर्ने भएको हो।

‘पाँचथर म्युजिक एन्ड टुरिजम फेस्टिभल–२०८३’ को अवसरमा मिलनसार प्रोडक्सन र चोंलुङ प्रोडक्सनको संयुक्त आयोजनामा फिदिम माध्यमिक विद्यालयको खेलमैदानमा कन्सर्ट आयोजना हुन लागेको हो।

कन्सर्टलाई लक्षित गर्दै आवश्यक तयारी अघि बढाइएको आयोजकले जनाएको छ। कार्यक्रम शुक्रबार साँझ ६ बजेदेखि सुरु हुनेछ।

कन्सर्टमा केहर एन्ड दि लुङा ब्याण्डको प्रस्तुतिसँगै चर्चित गायक रबिन लेछर्बो, बाल गायक आलब मेन्याङबो तथा स्थानीय कलाकारहरूको प्रस्तुति रहने आयोजकले जनाएको छ।

सांगीतिक कार्यक्रमलाई संगीत पर्यटनसँग जोड्दै पर्यटकीय क्षेत्रको प्रवद्र्धन, स्थानीय व्यवसायिक गतिविधिमा टेवा पु¥याउने तथा सामाजिक कार्यमा सहयोग गर्ने उद्देश्यले कार्यक्रम आयोजना गरिएको आयोजक चोंलुङ प्रोडक्सनका सञ्चालक भुपेन लिम्बूले बताउनुभयो।

उहाँका अनुसार कन्सर्टमा पाँचदेखि छ हजार दर्शकको सहभागिता रहने अपेक्षा गरिएको छ।