फाल्गुनन्द गोल्डकप: आज अन्तिम क्वाटरफाइनलमा एन.आर.टी. क्लब र सहलेश युवा क्लब भिड्दै

पाँचथर । पाँचथरको फिदिममा जारि ११ औँ संस्करणको फाल्गुनन्द गोल्डकप फूटबल प्रतियोगिताको चौथो क्वाटरफाइनलमा एन.आर.टी क्लव र सहलेश युवा क्लब विच प्रतिस्पर्धा हुदैछ ।
फिदिमस्थित फिदिम मा.विको खेलमैदानमा सञ्चालन भइरहेको खेल दिनको २ बजेदेखी शुरु हुने आयोजक फिदिम स्पोर्टिङ क्लबका अध्यक्ष दिपेन्द्र थापा मगरले बताए ।
पुस ६ गतेदेखी शुरु भएको गोल्डकपको फाइनल पुस १५ गते हुनेछ । प्रतियोगिताको सवोत्कृष्ट खेलाडीले एक थान विद्युतिय स्कुटर तथा विद्यागत उत्कृष्ट खेलाडीले समेत पुरस्कार प्राप्त गर्नेछन् ।
गोल्डकपको विजेताले उपाधिसहित नगद १० लाख ५ सय ५५ रुपैया पाउने छ । उपविजेताले ५ लाख ५ सय ५५ रुपैँया पाउने छ । प्रतियोगितामा नेपालका चार ए डिभिजन क्लबहरुसहित दश टिमको सहभागिता रहेको छ ।