पाँचथरका दुई पालिकामा सम्पवेल निर्माण हुदै

रमेश थापा
पाँचथर-पाँचथरको सुख्खाक्षेत्र कुम्मायक र तुम्बेवा गाउँपालिका पानी लिफ्ट गर्न सम्पवेल निर्माण सुरु गरिएको छ । कुम्मायक–५ लुम्बुघाट र तुम्बेवा–१ को लखुवा स्थीत तमोर नदिमा एकै साथ सम्पवेलको काम सुरु गरिएको हो । संघीय खानेपानी तथा ढल व्यवस्थापन आयोजना इलामको रु ३ करोड ७ लाख ९३ हजार ५७५ रुपैयाँको लागतमा गौतम सक्ति निर्माण सेवा काठमाडौंले काम गर्दै आएको छ । निर्माण कम्पनीले दुबै स्थानको काम असार भित्र सम्पन्न गर्नुपर्ने आयोजना प्रमुख उत्सव पोख्रेलले जानकारी दिए ।
तमोर नदिको धार परिवर्तन र पानीको सतह घटेपछि पुनारो इनारमा पानीको सञ्चय कम भएको थियो । जसले गर्दा खानेपानी संचालनमा समस्या भएको थियो । दीर्घकालनीन समस्या समाधान गर्न भन्दै १५ मिटर गहिरो इनार निर्माण गर्न लागिएको हो ।
तुम्बेवा गाउँपालिकाको पुरानो इनारलाई बाढीले क्षति पु¥याएपछि अर्को इनार निर्माण गर्न लागिएको कार्यालयको भनाइ छ । निर्माणको अवस्थाबारे बुधवार कार्यालय प्रमुख पोख्रेल सहित गाउँपालिका उपाध्यक्ष महेन्द्र बहादुर खड्का खानेपानी समिति अध्यक्ष मेघराज निरौला लगायतको टोलीले निर्माण स्थलको अनुगमन र निरिक्षण गरेको थियो ।
योजनाको एक साता अघि नेकपा एमाले केन्द्रिय सदस्य तथा पुर्वमन्त्री मन्त्री डम्बरसिंह सम्बाहाम्फेले सिलान्यास गरेका थिए। भने तुम्बेवामा गाउँपालिका अध्यक्ष बाबुराम खड्काले सिलान्यास गरेका थिए । त्यस यता कुम्मायकमा काम अघि बढेको छ भने तुम्बेवामा केही समयपछि मात्रै काम सुरु हुने निर्माण कम्पनीले जनाएको छ।