विश्वमित्र घिमिरेको नेतृत्वमा अनेरास्ववियु पाँचथरको नयाँ कमिटी गठन

पाँचथर, बैशाख १८ —अखिल नेपाल राष्ट्रिय स्वतन्त्र विद्यार्थी यूनियन (अनेरास्ववियु) जिल्ला कमिटी पाँचथरको १९ औं जिल्ला अधिवेशन भव्य रूपमा सम्पन्न भएको छ। अधिवेशनमा अनेरास्ववियु केन्द्रीय सचिव तथा कोशी प्रदेश इन्चार्ज मनोज ताम्ली प्रमुख अतिथिका रूपमा सहभागी थिए। साथै कार्यक्रममा नेकपा (एमाले) पाँचथरका जिल्ला अध्यक्ष विष्णु सापकोटा (बिमल), उपाध्यक्ष बीर बहादुर कुरुङबाङ, अनेरास्ववियु पाँचथर इन्चार्ज राजु थाम्सुहाङ लगायतको उपस्थिति रहेको थियो।

अधिवेशनबाट विश्वमित्र घिमिरे (रोशन) को अध्यक्षतामा ३१ सदस्यीय नयाँ जिल्ला कमिटी चयन गरिएको छ। उपाध्यक्षहरूमा विर्सिका नेम्बाङ र विमला पुरी, सचिवमा योम्बाहाङ योङहाङ, सहसचिवहरूमा सुरेश माझी र कार्मिन आङ्देम्बे, र कोषाध्यक्षमा रुविना आचार्य चयन भएका छन्। बाँकी २४ जना सदस्यमा सृष्टि न्यौपाने, समीक्षा जबेगु, प्रियङ्का काम्बाङ, रितिक पाठक मगर, मनिता मैनाली लगायत युवाहरू समावेश छन्।