जब एक बालकले आमाको प्रेमीको बन्दुकबाट आमालाइ नै गोली हाने

न्युयोर्क, २८ मंसीर ।  अमेरिकाको क्यालिफोर्नियामा एक २ वर्षीय बालकले आफ्नी आमालाई गोली हानेका छन् ।

जसका कारण महिलाको घटनास्थलमै मृत्यु भएको थियो । आमाको प्रेमीको पेस्तोलबाट बालकले गोली हानेको जनाइएको छ । खेल्दै गर्दा बच्चाले आमाको अपार्टमेन्टमा राखेको पेस्तोल फेला पारेका थिए । जबकी ती युवतीले आफ्नो प्रेमीको लोडेड पेस्तोल ओछ्यानमा राखेकी थिइन्।

प्रहरीका अनुसार घटना लापरवाहीको हो। यो रोक्न सकिन्थ्यो। घटना उत्तरी क्यालिफोर्नियाको एउटा सेक्टरको हो।

ती महिलाको पहिचान २२ वर्षीया जेसिन्या मीनाको रूपमा पहिचान भएको छ । बच्चाले अनजानमा ट्रिगर तान्यो र चलायो । तत्काल आमाको मृत्यु भयो । 

प्रहरीले महिलाका प्रेमी १८ वर्षीय एन्ड्रु सान्चेजलाई पक्राउ गरेको छ। यो जोडी विगत केही दिनदेखि एउटै अपार्टमेन्टमा बस्दै आएको बताइएको छ । फ्रेस्नो प्रहरी विभागका अनुसार दुबै गत हप्ता बेड रेस्टमा थिए। त्यही क्रममा बालकले पेस्तोल समात्यो । बच्चाले गोली चलाउँदा महिलाको माथिल्लो भागमा लागेको थियो । जसपछि उनको घटनास्थलमै मृत्यु भएको थियो।

मीनाको ८ महिनाकी छोरी पनि छिन्। प्रहरीका अनुसार सान्चेजलाई पक्राउ गरिएको छ । उनको नाइन एमएमको हतियार पनि प्रहरीले बरामद गरेको छ। पेस्तोल माथि राखेको भए बच्चाको हातमा हुने थिएन।

प्रहरीले सान्चेजसँग सोधपुछ गरिरहेको छ। उनलाई हाल फ्रेस्नो काउन्टी जेलमा राखिएको छ। प्रहरीका अनुसार हाल यस घटनामा कुनै पनि साक्षी आउन सकेको छैन। गोली लागेपछि मिनालाई फ्रेस्नोको सामुदायिक क्षेत्रीय चिकित्सा केन्द्रमा ल्याइएको थियो, जहाँ उनलाई मृत घोषित गरिएको थियो।

लेफ्टिनेन्ट पॉल सर्भान्टेसका अनुसार घटना बाहिर आएपछि प्रहरी छक्क परेको छ । कोही यति लापरवाह कसरी हुन सक्छ ? प्रहरीले सान्चेजको अपराध इतिहासको अनुसन्धान गरेको छ। उनीविरुद्ध यसअघि कुनै मुद्दा दर्ता भएको छैन । मीनाकी जेठी बहिनी जेसिका रोड्रिग्वेजले प्रहरीलाई बताइन् कि मीनाले बारम्बार सान्चेजलाई बन्दुक लिन भनेकी थिइन्। तर उनी लापरवाह थिए। जसका कारण उनकी बहिनी आज यो संसारमा छैनन् ।