पाँचथर। पाँचथरको फिदिममा जारि ५ औँ संस्करणको पाँचथर गोल्डकप फुटबल प्रतियोगिताको आज अन्तिम क्वाटरफाइनलमा नेपाल पुलिष क्लब काठमाडौं र नमो बुद्ध युथ क्लब सप्तरीविच प्रतिस्पर्धा हुदैछ ।
फिदिम माविको खेल मैदानमा सञ्चालन भइरहेको प्रतियोगिता दिनको २ः३० बजेदेखी हुने आयोजक क्लबका अध्यक्ष कमल तुम्रोकले बताए।
फागुन २४ गतेदेखी शुरु भएको खेलको फाइनल खेल चैत्र २ गते हुनेछ । प्रतियोगिताको विजेताले उपाधिसहित नगद ११ लाख १ हजार १ सय ११ रुपैँया प्राप्त गर्दा उपविजेताले ५ लाख ५५ हजार ५ सय ५५ रुपैँया प्राप्त गर्नेछ।
प्रतियोगिताको हरेक खेलको म्यान अफ दि म्याचले ७ हजार ५ सय, उत्कृष्ट प्रशिक्षक, गोलरक्षक, डिफेण्डर, मिडफिल्डर र सर्वाधिक गालकर्ताले १० हजार रुपैया पुरस्कार पाउनेछन्। त्यस्तै म्यान अफ दि टुर्नामेन्ट र राईजिङ प्लेयरले १५ हजार र खेलको फ्यान अफ दि म्याचले २ हजार ५ सय प्राप्त गर्ने आयोजकले जनाएको छ।
प्रतियोगितामा नेपालका चार ए डिभिजन सहित ८ टिमको सहभागिता रहेको छ।