पाँचथर । आगामी फागुन २१ गते हुन गइरहेको प्रतिनिधिसभा निर्वाचनका लागि पछिल्लो समय पाँचथरमा दुई हजार ६ सय ९० नयाँ मतदाता थपीएका छन् ।
पछिल्लो पटक तोकिएको मतदाता नामावली दर्ता गर्ने अन्तिम दिन मंसिर ५ गते सम्म यतिका संख्यामा नयाँ मतदाता थपीएको निर्वाचन कार्यालय पाँचथरका कम्युटर अपरेटर असोक घिसिङले जानकारी दिनुभयो । उहाँका अनुसार कात्तिक २८ गतेदेखी राष्ट्रिय परिचयपत्र मार्फत लिङ्क गरेर दर्ता प्रकृया शुरु गरेपछि छोटो समयमै मतदाता संख्या बढेको हो।
असोज १० गते देखी कात्तिक मसान्तसम्ममा भने १ हजार ६ सय ९९ जनाले मतदाता नामावली दर्ता गराएका थिए। जसमा ९२४ पुरुष र ७७५ महिला छन् । आगामी फागुन २१ गते प्रतिनिधिसभा निर्वाचनका लागि असोज १० देखी यता कुल ४ हजार ३८९ मतदाताले नाम दर्ता गराएको घिसिङले जानकारी दिनुभयो।
अन्तर जिल्लाका पुरुष ४३ र महिला ३५ गरि ७८ जनाले पाँचथरबाट मतदाता नामवलीको लागि फोटो खिचाएका छन्।
यसअघि कात्तिक १६ गतेसम्म १८ वर्ष पुरा भएर मतदान गर्न पाउने मतदाताको संख्या महिला ६६ हजार ८१ र पुरुष ७४ हजार ३२८ गरी कुल एक लाख ४० हजार ४०९ रहेका थिए ।
