८ औं तरुण गोल्डकपको उपाधि कुम्मायक गाउँपालिकालाई

पाँचथर । पाँचथर जिल्लाका आठवटै स्थानीय तहको सहभागितामा आयोजित ८ औं तरुण गोल्डकप फुटबल प्रतियोगिता–२०८२ को उपाधि कुम्मायक गाउँपालिका ले हात पारेको छ। फिदिम माध्यमिक विद्यालयको खेलमैदानमा गत कार्तिक १० गते उद्घाटन भएको प्रतियोगिताको फाइनल खेलमा कुम्मायकले हिलिहाङ गाउँपालिका लाई १–० गोलअन्तरले पराजित गर्दै उपाधि आफ्नो पक्षमा पारेको हो।

यसअघि सेमिफाइनलमा कुम्मायकले फाल्गुनन्द गाउँपालिकालाई २–० ले पराजित गरेको थियो भने हिलिहाङले फिदिम नगरपालिकामाथि ३–१ को जित निकाल्दै फाइनलमा स्थान बनाएको थियो। फाइनल खेलमा दुबै टोलीले उत्कृष्ट प्रदर्शन गरे पनि निर्णायक क्षणमा कुम्मायकका सुदिप लावतीले गोल गरेपछी कुम्मायकले जित सुनिश्चित गरेको थियो।

विजेता टोली कुम्मायक गाउँपालिकाले नगद रू १ लाख १ सय ७३ रुपैयाँसहित ट्रफी, मेडल र प्रमाणपत्र प्राप्त गरेको छ भने उपविजेता हिलिहाङ गाउँपालिकाले नगद रू ५० हजार १ सय ७३ रुपैयाँ, मेडल र प्रमाणपत्र प्राप्त गरेको छ।