कोरियाली राष्ट्रपतिबिरूद्द दोस्रो महाअभियोग प्रस्ताव, सत्तारूढ नै सकारात्मक

सियोल, २७ मंसीर। दक्षिण कोरियाको सत्तारुढ दलले देशमा राजनीतिक संकट र व्यापक जनआक्रोश फैलाउने मार्शल ल घोषणा गर्नेराष्ट्रपति युन सुक येओललाई महाभियोग लगाउने प्रस्तावमा समर्थन गर्ने भएको छ।

युनले बिहीबार एक अपमानजनक भाषण दिनु भन्दा केही क्षण अघि यो घोषणा आयो कि  उनले आफ्नो अत्यन्तै विवादास्पद मार्शल कानून निर्णयलाई जायज ठहराउने प्रयास गरिरहेका छन्। 

पीपल पावर पार्टी (पीपीपी) ले सुरुमा महाभियोगलाई समर्थन गर्न अस्वीकार गरेको थियो, यसको सट्टा राष्ट्रपति यूनले पदबाट राजीनामा दिने आशा राखेको थियो। तर, उनलाइ राजिनामा दिन लगाउने प्रयासमा कुनै प्रगति नभए पछि अन्ततः सत्तारूढ दल नै महाअभियोगको पक्षमा उभिन लागेको अन्तराष्ट्रिय सञ्चामाध्यमले जनाएका छन् ।

‘हामीले महाभियोग भन्दा राम्रो बाटो खोज्ने प्रयास गर्‍यौं, तर त्यो अर्को तरिका अमान्य भयो,’ सत्तारूढ पार्टीका नेता हान डोङ हुनले भने, ‘राष्ट्रपतिलाई महाभियोग मार्फत उनको कर्तव्यबाट निलम्बन गर्नु नै लोकतन्त्र र गणतन्त्रको रक्षा गर्ने एक मात्र उपाय बाँकी रहन गयो ।’

मुख्य विपक्षी डेमोक्र्याटिक पार्टीले युन विरुद्ध नयाँ महाभियोग प्रस्ताव गरेको छ, त्यो पनि साना ५ दललाइ साथमा लिएर । आज पुनः प्रस्ताव भएको महाअभियोग प्रस्ताव माथीको मतदान सम्भवतः अब शनिबार हुने छ।

राष्ट्रपति युन माथी गत हप्ताको अन्त्यमा लगाइएको महाभियोग प्रस्ताववाट बचे पनि यो पटक भने सत्तारूढ दल नै सकारात्मक भएकाले उनको थप लज्जास्पद बहिर्गमन हुने पक्कापक्की भएको छ।

तर युनको पार्टीले महाभियोगको पक्षमा उभिए पनि मतदानमा भने सांसदहरूलाइ निर्णय गर्न स्वतन्त्रता दिइएको छ । हानले भने, ‘पीपीपी सांसद  विश्वास र विवेक अनुसार मतदान गर्न स्वतन्त्र छन्।’

उनले भने, ‘तर, हाम्रो पार्टीका सदस्यले देश र जनताको पक्षमा भोट दिनेछन् भन्ने मलाई विश्वास छ।’