वडाका दश विद्यालयमा ग्यास चुलो बितरण

रमेश थापा
यासोक-पाँचथरको कुम्मायक गाउँपालिका–१ नं. वडा कार्यालय यासोकले दश वटा विद्यालयमा ग्यास चुलो बितरण गरेको छ। वडाले दुई मा.वि. र आठ आधारभूत विद्यालय सहित दश वटा सामुदायिक विद्यालयमा ग्यास चुलो बितरण गरेको हो। विद्यालयका बालबालिकाहरुलाई दिवाखाजा खुवाउन सहज बनाउने उदेश्यले ग्यास चुलो बितरण गरेको वडाअध्यक्ष देबेन्द्रकुमार लावतीले बताए।
चालु आर्थिक वर्षको १ लाख रुपैयाँबाट विद्यालयमा ग्यास चुलो बितरण गरेको लावतीको भनाइ छ। त्यस्तै कुम्मायक गाउँपालिकाले पनि ३७ वटा सामुदायिक विद्यालयहरुलाई भाडावर्तन बितरण गरेको छ। गाउँपालिकाको ५ लाख रुपैयाँबाट पाँच माध्यमिक विद्यालय र ३२ आधारभूत विद्यालयमा दिवाखाजा संचालनको लागि भाँडा, कराई, चम्चा र बटुका बितरण गरेको जनाएको छ।