नाइजेरियामा ५० महिला बालबालिकालाइ बन्दुकधारीले गरे अपहरण

मैदुगुरी, २६ मंसीर । नाइजेरियाको जाम्फारा राज्यमा बन्दुकधारीहरूले कम्तीमा ५० जनालाई अपहरण गरेका छन्।

बन्दुकधारीहरूको एक समूहले नाइजेरियाको उत्तरपश्चिमी जाम्फारा राज्यको काकिन दावा गाउँमा छापा मारेर ५० भन्दा बढी महिला र बालबालिकालाई अपहरण गरेका हुन।

स्थानिय प्रहरीका अनुसार बन्दुकधारीहरूद्वारा फिरौतीको लागि अपहरण गरेका हुन्, जसलाइ स्थानीयले डाकुहरू भनेर चिन्दछन् । उत्तर पश्चिमी क्षेत्रमा उच्च स्तरको गरिबी, बेरोजगारी र अवैध हतियारको फैलावटका कारण यहाँ दिनहुँ हत्या र अपहरण हुने गरेको छ।

जाम्फारा प्रहरीले घटना आइतबार भएको र यस क्षेत्रमा थप सुरक्षा बल तैनाथ गरिएको बताएको छ, उनीहरूको खोजी कार्य मंगलबारसम्म पनि जारी रहेको छ। 

स्थानिय बासिन्दाहरूले भने कि मोटरसाइकलमा सवार दर्जनौं आक्रमणकारीहरू गाँउमा आएका थिए, ती सबैजसोले राइफल बोकेका थिए । ती सशस्त्र समुहले घर–घर गएर बासिन्दाहरूलाई अपहरण गरेका थिए।

‘पछि हामीले पत्ता लगायौं कि उनीहरूले विवाहित महिला र केटीहरू सहित ५० भन्दा बढी महिलाहरूलाई अपहरण गरेका थिए,’ स्थानिय हसन याउ,  जो आक्रमणबाट जोगिएका थिए। उनकी कान्छी बहिनी पनि अपहरणकारीले लगेका छन।

‘हामीले संघीय सरकार र जाम्फारा राज्य सरकारहरूलाई ती डाकुहरूसँग लड्न थप सिपाही र सुरक्षाकर्मीहरू पठाउन अपील गरिरहेका छौं,’ उनले भने।

उत्तरपश्चिमी नाइजेरियामा व्यापक असुरक्षा छ जबकि १५ वर्षको चरमपन्थी विद्रोहले देशको उत्तरपूर्वी भागमा ग्रस्त छ र गिरोह र पृथकतावादी हिंसाले दक्षिण पूर्वलाई असर गरेको छ।

‘हामी हाल अपहरणकारीहरूको रिहाइको लागि अपहरणकर्ताहरूको माग सुन्न पर्खिरहेका छौं,’ गाउँका अर्का बासिन्दा अब्दुलकादिर सादियाले भने, ‘सम्पूर्ण समुदाय संकटमा छ।’ तर, उनले अझैसम्म अपहरणकर्ताले सम्पर्क गरेका छैनन, जसका कारण उनको माग के हो ? भन्ने थाहा नभए पनि फिरौतीका लागि यी सब गरिएको उनीहरूको भनाइ छ।