फिदिममा डिजिटल प्रविधिबाट निशुल्क क्षयरोग परिक्षण शिविर हुने

कमल घिमिरे । असार १ । पाँचथर

पाँचथरको फिदिममा एआइ डिजिटल एक्स रे प्रविधिबाट निशुल्क क्षयरोग (टी.बी) खोजपड्ताल सम्बन्धी शिविर सञ्चालन हुने भएको छ।
फिदिम नगपालिकाको आयोजनामा आगामी असार ३ गते जिल्ला अस्पतालमा शिविर सञ्चालन हुने भएको हो । शिविरमा क्षयरोगको प्रारम्भिक परिक्षण, आवश्यक उपचार तथा औषधी वितरण गरिने स्वास्थ्य शाखा प्रमुख ओम प्रकाश यादवले जानकारी दिनुभयो । ६० वर्ष भन्दा माथिका जेष्ठ नागरिक, क्षयरोग प्रभावित व्यक्तिको सम्पर्कमा आएका व्यक्ति, दिर्घ रोगीका बिरामीहरु, कुपोषित बालबालिका तथा बैदेशिक रोजगारबाट फर्किएका नागरिकहरुको परिक्षण गरिने नगरपालिकाले जनाएको छ ।
जनताको स्वास्थ्यप्रति संवेदनशिल हुँदै नगरपालिकामा विभिन्न प्रकारका स्वास्थ्य शिविरहरुको आयोजना गर्नाले नागरिकहरुको उपचार खर्चमा कमी आउने विश्वास गरिएको नगर प्रमुख मित्र प्रसाद काफ्लेको भनाई छ ।