पाँचथर । ताप्लेजुङको फुङलिङमा जारि तेस्रो संस्करणको ताप्लेजुङ गोल्डकप फुटबल प्रतियोगिताको आज तेस्रो क्वाटरफाइनलमा चर्च बोइज क्लब ललितपुर र लिजेन्ड फुटबल एकेडेमी सिलिगुढी भारत विच प्रतिस्पर्धा हुनेछ ।
भानुजन माविको खेल मैदानमा सञ्चालन भइरहेको प्रतियोगिता दिनको २:३० बजेदेखी हुने आयोजकले जनाएको छ।
साउन २४ गतेदेखी शुरु भएको खेलको फाइनल खेल साउन २७ गते हुनेछ। प्रतियोगिताको विजेताले उपाधिसहित नगद ७ लाख २ हजार ८२ रुपैँया प्राप्त गर्दा उपविजेताले ३ लाख ५० हजार ८२ रुपैँया प्राप्त गर्नेछ।
त्यस्तै प्रतियोगिताको सर्वोत्कृष्ट खेलाडीलाई बाइक र विभिन्न विधामा उत्कृष्ट बन्ने खेलाडीलाई समेत उचित पुरस्कारको व्यवस्था गरिएको आयोजकले जनाएको छ।
